El contenido literario de este blog está registrado en Safe Creative

El contenido literario de este blog está registrado en Safe Creative
Mis mejores deseos para ti y los tuyos, amable leyente, ahora y siempre

jueves, 7 de mayo de 2009

XXX Selmana de les Lletres Asturianes









-->
La XXX Selmana de les Lletres Asturianes esti añu se dedica a la escritora Enriqueta González Rubín (Santianes del Agua -Ribeseya-, 1832 - L'Infiestu, 1877)
La popular escritora de la segunda metada del sieglu XIX, que namás firmaba con alcuños les sos collaboraciones periodístiques, va ser la homenaxada, por ser autora de la primer obra en prosa n'asturianu: Viaxe del Tíu Pacho, el Sordu a Uviedo, publicada en 1875.

Sábese que Enriqueta nació en Santianes del Agua (Samartín de Collera) nel añu 1832, que yera de bona familia, que tuvo un fíu de soltera y qu’exerció de maestra en Ribesella. Entamó a collaborar na prensa asturiana hacia 1860, faciéndose famosa darréu baxo los seudónimos de La Gallina Vieja, La Cantora del Sella o Una Aldeana del Sella.
La mayor parte de la so producción lliteraria (artículos, cuentos y poemes) ta directamente emparetada cola de Fernán Caballero y les escritores en castellán de mediaos del sieglu XIX, y vio la lluz nel periódicu El Faro Asturiano, nel que llegó a publicar una novela por entregues. El director d'esti periódicu, Protasio González, incluyó nes sos Memorias Asturianas (1880) dos relatos d'esta autora: Una boda por amor y Un indianu como hay pocos.




Hasta 1992 nun se publicara dengún llibru d’esta autora, de la que diz Antón García que “pue considerásela comu’l primer narrador de la nuesa lliteratura”. L’Academia de la Llingua sacó esi añu un volume tituláu Collaboraciones periodístiques, que recueye los dos testos que yá asoleyara Protasio González Solís.
La Conseyería de Cultura y Turismu del Principau entama, como ye vezu, la Selmana de les Lletres Asturianes que tien dellos actos y actividaes esta selmana; con un programa d'actos organizáu conxuntamente pol Principáu d'Asturies, l'Ayuntamientu de Ribesella -conceyu de nacimientu de la homenaxada- y l'Ayuntamientu de Llanes, onde esti mesmu añu se llocalizó un exemplar del llibru 'El viaxe del Tíu Pacho el Sordu a Oviedo', publicáu en 1875 y que ye la primer obra de narrativa publicada n'asturianu de manera autónoma.




Esti vienres ye'l Día del Llibru Asturianu con un 10 per cientu de descuentu na merca de llibrs y música n'asturanu y el regalu del llibru "Enriqueta González Rubín: el sinciu d'una escritora del sieglu XIX" un conxuntu d'estudios y ilustraciones que mos averen a la época, la vida y la obra de la escritora.
Amás, va facese una esposición sobre la so vida, que ta yá confencionándose, y pa la que va cuntase cola participación de dellos descendientes de la que ye la nuesa primer narradora.




Fuentes

No hay comentarios:

Publicar un comentario

Gracias por tu lectura comentada.

Entradas populares