Gústame como güeles

"En pensant", fotografía de Man Ray

“Gústame como güeles”, bisbisó ayeri'l mio edredón al chame. Güei la mio piel llovida yá nun güel a ti. Al chame, la mio cama va echar de menos el to arume. Cuando falen les pieles el so sudu diz más que les palabres. Tres el silenciu forzáu del “hasta depués”, el mio cuerpu foi un ecu de la to voz sobre él.

“Gústame como güeles”, te voi bisbisar mañana al chanos sobre'l to edredón. Y les nueses pieles llovíes de sudu, van ser un ecu de palabres que van siguir resonando cuando mañana sía ayeri.

“Gústame como güelo cuando güelo a llibertá y a prestar” digo agora, como dixi antes. Antes, en que volví pensar en cómo güelo cuando güelo a ti

Nino