DE TEBEOS PA NEÑOS A CÓMICS P'ADULTOS I de II

Coincidiendo cola XXXV Selmana de les Lletres Asturianes, que nesta edición céntrase nel mundu del Cómic, comparto la traducción al asturianu de parte del mio artículu na primer entrega de la revista Zander  Magacine.

Zander Magacine ye una publicación bimestral que podéis atopar nes llibreríes especializaes de toa España.

Esculpái los mios fallos cola traducción al asturianu.

Gracies.

Nino

DE TEBEOS PA NEÑOS A CÓMICS P'ADULTOS I de II.

Allá por 1977, un británicu –David Bowie– compunxo que toos podemos ser héroes, anque namá sía per un día. Nesi añu, munchos españoles comportáronser como antihéroes nuna votación que dexaba tras les villaníes d'una dictadura derrotada nes primeres elecciones xenerales en 41 años.

A dalgunos escaeciósenos llueu, munchos quiciabes lo desconozan, lo que supunxo esa llucha pacífica pola Llibertá frente a les porres de los grises y les mentes grises de los censores. 

En 1977 tornó la llibertá de prensa; pero tamién vinieron pa quedase lacras actuales como'l desempléu llaboral, la esraizadura social y l'atrofia institucional. Dende esti 2014 nel que paez que nada peor nos puede pasar, convídovos a lleer sobre unos tiempos que golíen a nuevos y resultaron selvaxes.

Allá por 1977, munches coses camuden pa meyor, ente elles la situación de la Historieta n'España. La so evolución dar nun ambiente receptivo a la creación artística, bultable nuna eclosión de fanzines, radios llibres o autogestoras culturales. L'arranque de la Democracia coincide con un ábanu d'ufiertes creatives. 

Per un sitiu, llega al nuesu país un cúmulu d'obres estranxeres tardiegues por 40 años de dictadura; por otru, autores patrios ven cómo a les llibertaes sociales xúnense les artístiques, que dexen nueves formes d'espresión afeches a nuevos soportes o formatos. Ruémpense moldes espresivos y preceptos industriales al convertise movimientos contraculturales –como'l Punk– en rentables fenómenos de mases. 

Estos vientos de cambiu tamién ventilen les viñetes: si antes los tebeos defendíen cerrar España, al berru del Capitán Trueno, agora los cómics animen a abrir los psiquiátricos, al ritmu de Makoki.

Ir a página siguiente.